National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Қауіпсіздік Кеңесі


Жаңалықтар

Әсет Исекешев Пәкістан Премьер-Министрінің Ұлттық қауіпсіздік жөніндегі кеңесшісі Моид Юсуфпен кездесті

Қазақстан Республикасы Президентінің Көмекшісі – Қауіпсіздік Кеңесінің хатшысы Әсет Исекешев Пәкістан Ислам Республикасы Премьер-Министрінің Ұлттық қауіпсіздік жөніндегі кеңесшісі Моид Юсуфпен кездесті. Іс-шараға Қазақстан Республикасы Президентінің Халықаралық ынтымақтастық жөніндегі арнайы өкілі Ержан Қазыханов қатысты.

Тараптар өңірлік және жаһандық қауіпсіздіктің өзекті мәселелері, Орталық және Оңтүстік Азиядағы қазіргі сын-тәуекелдер жөнінде, сондай-ақ халықаралық ұйымдар аясындағы ынтымақтастықтың перспективалары, оның ішінде бітімгершілік туралы пікір алмасты. Сонымен қатар кездесу барысында әскери-техникалық саладағы өзара екіжақты ықпалдастық, есірткі трафигіне, заңсыз көші-қонға және басқа да қатерлерге қарсы іс-қимыл мәселелері қозғалды.

Ауғанстандағы жағдайдың даму сценарийлері жан-жақты талқыланды. Әсет Исекешев пәкістандық әріптесіне Қазақстан Республикасының Президенті Қасым-Жомарт Тоқаевтың тапсырмасы бойынша Ауғанстанға бес тонна ұн мөлшерінде гуманитарлық көмек көрсетілгені жөнінде мәлімет берді.

Пәкістан делегациясының сапары барысында Моид Юсуфқа цифрлық үкімет офисінің базасында электрондық үкімет, телекоммуникация, білім беру технологиялары және басқа да секторлардағы цифрландыру бағыттары таныстырылды.

Кездесу соңында тараптар қауіпсіздікті қамтамасыз ету саласындағы кең ауқымды мәселелер бойынша ынтымақтастықты нығайтуға ниет білдірді.


Кері қайту Кері қайту Twitter Facebook Басып шығару

Заңдар

2023 жылғы 06 ақпан

Мемлекет басшысы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының Заңына қол қойды


Мемлекет басшысы Қазақстан кәсіпкерлерінің құқықтарын қорғау жөніндегі уәкіл Рустам Жүрсіновті қабылдады

2023 жылғы 08 ақпан

Мемлекет басшысы Қазақстан кәсіпкерлерінің құқықтарын қорғау жөніндегі уәкіл Рустам Жүрсіновті қабылдады

Жарлық

2023 жылғы 03 ақпан

Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2023 жылдың наурыз – маусымында және қыркүйек – желтоқсанында мерзімді әскери қызметке кезекті шақыру туралы