National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Халықаралық қоғамдастық

Мемлекет басшысы Абу Даби әмірлігінің Тақ мұрагері Шейх Мұхаммед бен Заид Әл Наһаянға құттықтау жеделхатын жолдады

2021 жылғы 10 ақпан

Қасым-Жомарт Тоқаев қазақстандықтардың және жеке өзінің атынан Абу Даби әмірлігінің Тақ мұрагері Шейх Мұхаммед бен Заид Әл Наһаянды Біріккен Араб Әмірліктерінің ғарышты игеру саласындағы орасан зор жетістігімен құттықтап, жеделхат жолдады. 

Президент жеделхатында былтыр шілде айында Марсты зерттеуге жіберілген «Әл-Амал» спутнигінің планета орбитасына енуі Әмірліктердің ғарышты игеруші үздік мемлекеттер қатарына кіргенін және әлемдік табысқа қол жеткізгенін дәлелдейтіндігін атап өткен. 

«Ислам және араб әлеміндегі саяси, экономикалық негізі берік қалыптасқан, өңірлік және жаһандық тұрғыдан көшбасшылығы кеңінен мойындалған еліңіз Сіздің басшылығыңызбен қарқынды дамуын одан әрі жалғастыруына, мерейінің әрқашан үстем болуына тілектеспін. Осы тұста, әлемге әйгілі «Байқоңыр» ғарыш айлағындағы Қазақстан мен Әмірліктердің ғарыш саласына қатысты бірлескен бағдарламасының да болашақта нәтижелі боларына сенім білдіремін. Сіздің еліңізбен осы бағытта күш-жігер жұмылдыруға және ғылыми зерттеулер жүргізуге әрдайым дайын екенімізді нақтылаймын», – делінген жеделхатта.  

Сонымен қатар Қасым-Жомарт Тоқаев Шейх Мұхаммед бен Заид Әл Наһаянның аса жауапты қызметіне толағай табыс, ал бауырлас әмірліктердің халқына баянды бақыт, құт-береке тіледі.


Кері қайту Кері қайту Twitter Facebook Басып шығару

Заңдар

2021 жылғы 19 сәуір

Мемлекет басшысы «Еуразиялық экономикалық одақ шеңберінде бағалы металдармен және асыл тастармен операцияларды жүзеге асыру ерекшеліктері туралы келісімді ратификациялау туралы» Қазақстан Республикасының Заңына қол қойды


Президент Қасым-Жомарт Тоқаев Премьер-Министр Асқар Мамин мен Денсаулық сақтау министрі Алексей Цойды қабылдады

2021 жылғы 23 сәуір

Президент Қасым-Жомарт Тоқаев Премьер-Министр Асқар Мамин мен Денсаулық сақтау министрі Алексей Цойды қабылдады

Жарлық

2021 жылғы 19 сәуір

Мемлекет басшысының Жарлықтарымен:


Tokaev

Қазақстан Республикасы Президентінің