Жаңалықтар

15 маусым 2006
Мемлекет басшысы Нұрсұлтан Назарбаев Шанхайда Монғол Халық Республикасының Президенті Намбарын Энхбаярмен кездесті.

Кездесу кезінде сауда, көлік, өнеркәсіп салаларындағы екіжақты ынтымақтастықты дамыту және Монғолия экономикасына қазақстандық инвестицияны тарту мәселелері талқыланды.

 

-Біз Қазақстанның даму тәжірибесінен үйренгіміз келеді және Сіздердің елдеріңіздің алға қойған асқақ мақсаттарына қол жеткізуін тілеймін, - деді Намбарын Энхбаяр.

 

Ол сондай-ақ Қазақстан Президентін үстіміздегі жылдың шілдесінде өтетін Монғолия мемлекеттігінің 80 жылдық мерекесіне шақырды. Мемлекет басшысы өзінің жұмыс кестесі тым тығыз болуына байланысты аталған іс-шараларға қазақстандық делегацияның қатысатынын айтты.

 

Монғолия Президенті өз елінің Қазақстанмен қарым-қатынасты дамытуға мейлінше мүдделі екенін жеткізді.


Барлық жаңалықтар
 
Басқа жаңалықтар
Барлық жаңалықтар