National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Халықаралық қоғамдастық

Президент атына құттықтаулар келіп түсіп жатыр

2022 жылғы 01 желтоқсан

Қазақстан Республикасы Президенті лауазымына қайта сайлауына орай Қасым-Жомарт Тоқаевтың атына құттықтау жеделхаттары келіп түсіп жатыр.

БҰҰ Бас хатшысы Антониу Гутерриш өз құттықтауында Мемлекет басшысына сәттілік тілеп, Қазақстан Біріккен Ұлттар Ұйымы мен мультилатерализмнің айнымас әрі сенімді жақтаушысы екенін атап өтті.

«Мен ортақ мүддеге сай келетін мәселелер жөнінде, сондай-ақ Біріккен Ұлттар Ұйымының Орталық Азия бойынша превентивті дипломатия өңірлік орталығы мен ұйымның Қазақстандағы өкілдік топтары арқылы тығыз қарым-қатынасты жалғастыруды асыға күтемін. БҰҰ Қазақстанның қауіпсіздік, тұрақты даму, адам құқығы мен гендерлік теңдікті ілгерілету салаларындағы жаһандық сын-қатерлерге қарсы бірлескен іс-қимылдарға қолдау білдіріп, міндеттемелерін орындайтынына зор сенім білдіреді», – деп жазылған жеделхатта.

Ұлыбритания Премьер-министрі Риши Сунак Қасым-Жомарт Тоқаевты Қазақстан Республикасының Президенті лауазымына қайта сайлануымен құттықтап, елде жүргізіліп жатқан ауқымды саяси және экономикалық реформаларды жоғары бағалады.

– Барлық саладағы ынтымақтастығымызды одан әрі нығайтуға, 2013 жылы орнатылған стратегиялық серіктестігімізді тереңдетуге және кеңейтуге бағытталған Сіздің ұстанымызды қолдаймын, – деп жазылған жеделхатта.

Біріккен Ұлттар Ұйымының 8-ші Бас хатшысы, Жаһандық жасыл өсу институтының ассамблея Төрағасы Пан Ги Мун да Қасым-Жомарт Тоқаевқа Қазақстан Президенті болып қайта сайлануына орай жүрекжарды тілегін жолдады.

«Қазақстанның өңірлік маңызы мен Сіздің көшбасшылық қасиетіңіз Жаһандық жасыл өсу институтының аймақтың тұрақты дамуына елеулі үлес қосуына мүмкіндік береді. «Жасыл» өсім перспективаларын ілгерілетіп, әлемдік қоғамдастыққа климаттағы өзгерістер саласында  көшбасшылық үлгісін көрсету және келешек ұрпаққа ғаламшарымызды таза қалпында қалдыру үшін Сізбен бірге жұмыс істеуге ниеттіміз», – деп жазған Пан Ги Мун.  

Сонымен қатар Мемлекет басшысына құттықтау жеделхаттарын Еуропалық Кеңес Президенті Шарль Мишель, Иран Ислам Республикасының Президенті Ибрахим Раиси, Сауд Арабиясының Королі – Қос киенің сақшысы Салман бен Абдулазиз Әл Сауд, Сауд Арабиясы Королінің Тақ мұрагері – Министрлер кеңесінің төрағасы Мұхаммед бен Салман бен Абдулазиз әл Сауд, Иордания Королі ІІ Абдалла, Қатар Әмірі Тәмим бен Хамад Әл Тәни, Қатар Әмірінің орынбасары Абдалла бен Хамад Әл Тәни, Қатар Премьер-министрі – Ішкі министрі Халед бен Халифа бен Абулазиз Әл Тәни, Кувейт Әмірі Наууаф әл-Ахмад әл-Джабер әл-Сабах, Оман Сұлтаны Хайсам бен Тариқ, Марокко Королі VI Мұхаммед, Палестина Президенті Махмуд Аббас, Мысыр Президенті Әбдел Фаттах ас-Сиси, Эфиопия Президенті Сахле-Ворк Зеуде, Мальдив Президенті Ибрагим Мұхамед Солих, Израиль Президенті Ицхак Герцог, Мажарстан Президенті Каталин Новак, Мажарстан Премьер-министрі Виктор Орбан, Польша Президенті Анджей Дуда, Украина Президенті Владимир Зеленский, Хорватия Президенті Зоран Миланович, Финляндия Президенті Саули Ниинистё, Нидерланд Королі Уильям-Александр, Бельгия Королі Филипп, Австрия Президенті Александр Ван дер Беллен, Латвия Президенті Эгилс Левитс, Литва Президенті Гитанас Науседа, Эстония Президенті Алар Карис, Словакия Президенті Зузана Чапутова, Словения Республикасының Президенті Борут Пахор, Болгария Президенті Румен Радев, Солтүстік Македония Президенті Стево Пендаровски, Кипр Президенті Никос Анастасиадис, Швейцария Президенті Иньяцио Кассис, Грузия Президенті Саломе Зурабишвили, Үндістан Премьер-министрі Нарендра Моди, Шри-Ланка Президенті Ранил Викремесингхе, Жапония Премьер-министрі Фумио Кишида, Корея Президенті Юн Сок Ёль, Сингапур Президенті Халима Якоб, Вьетнам Президенті Нгуен Суан Фук, Бангладеш Президенті Мохаммед Абдул Хамид, Камерун Президенті Поль Бийя, Ресей Үкіметінің төрағасы Михаил Мишустин, РФ Қауіпсіздік Кеңесі төрағасының орынбасары Дмитрий Медведев, Таиланд Корольдігінің Премьер-министрі генерал Прают Чан-О-Чан, БҰҰ Өркениеттер Альянсының Жоғары өкілі Мигель Анхел Моратинос, РФ Федералдық Жиналысы Мемлекеттік Думасының төрағасы Вячеслав Володин, Мәскеу және бүкіл Ресей Патриархы Кирилл, Иерусалим Патриархы ІІІ Феофил, Шанхай ынтымақтастық ұйымының Бас хатшысы Чжан Мин, ЕҚЫҰ аз ұлттар ісі жөніндегі Жоғарғы комиссары Қайрат Әбдірахманов, Азық-түлік қауіпсіздігі жөніндегі ислам ұйымының Бас директоры Ерлан Байдәулет, ТҮРКСОЙ Бас хатшысы Сұлтан Раев, Орта Азия Католиктік Епископтары Конференциясының төрағасы, Епископ Хосе Луис Мумбиела-Сиерра, Дүниежүзілік экономикалық форумның негізін қалаушы, профессор Клаус Шваб және басқалар жолдады.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің